Tuisonderrig / Homeschool Eisteddfod

Die Tuisskolers in die Wes-Kaap het op 25 Oktober 2008 Eisteddfod gehou.
Hierdie jaar het dit plaasgevind in die teater by die Bellville Stadskouburg. Met trots kan daar na 5 jaar getuig word dat ons gegroei het van ongeveer 30 items in 2004, ‘n klein kerksaaltjie in Stellenbosch was toe groot genoeg, na meer as 100 items in 2008, sodat ons in die vervolg nie meer ‘n ander keuse sal hê as om van‘n groot lokaal soos die Bellville Stadskouburg gebruik te maak nie.

Sedert 3 jaar gelede het ons tot ‘n volwaardige Eisteddfod ontwikkel waar ons van welbekende beoordelaars gebruik maak en beoordeling op net so ‘n hoë standaard geskied as by al die groot Eisteddfods in die Wes-Kaap.

Al die deelnemers het besonder goed gevaar in die verskillende items. Dit is wonderlik dat tuisskolers beslis meer selfvertroue en sosiale vaardighede het om voor mense op te tree as hul eweknieë in die skool. Wonder nog steeds hoekom dit een van die eerste vrae is wat gevra word deur die oningeligtes dink hul moet meer kontak hê met die tuisskolers!‘n Besondere dank aan ons Kuns en Uitstalling beoordelaar, Marié Bruwer, wat al vanaf die begin dae van die Eisteddfod met ons saamkom. Ons is dankbaar dat ons nog steeds van haar kennis en insig gebruik kan maak. Ook ‘n besondere dankie aan ons ander beoordelaars van hierdie jaar, naamlik: Sjoerd Alkema (sang en musiek), Duncan Rice van die Helen O’Grady Drama Academy (drama, gedigte, poësie, mimiek, ens en Nicole en Lydia as beoordelaars by die dansitems. Cape Home Educators is trots, maar ook baie dankbaar dat ons van kundiges soos julle kon gebruik maak.

Laaste maar beslis nie die minste nie, ‘n spesiale dankie aan die Wagner, Brink en Koetsier gesinne wat al die trofeës geborg het. Dit word opreg waardeer!

Next Event:

Saturday, 17 October 2009 at the theatre of the Bellville Civic Centre

10:00 -15:00